रोहित पवारांच्या बैठकीत जामखेडमधील अतिक्रमण हटावचा मुहूर्त टळला, तूर्तास लहान मोठ्या व्यावसायिकांना दिलासा
जामखेड टाइम्स वृत्तसेवा : जामखेड शहरातून जाणार्‍या राष्ट्रीय महामार्गाचे मोजणीचे काम चालू झाले आहे, या भागातील अतिक्रमणांवर कोणत्याही क्षणी हातोडा पडू शकतो अशी चर्चा शहरात रंगली होती. यामुळे या भागातील लहान मोठ्या व्यावसायिकांचे धाबे दणाणले होते. दिवाळीपुर्वी अतिक्रमण हटविल्यास व्यावसायिकांचे मोठे आर्थिक नुकसान होऊ शकते, हा धोका ओळखून अतिक्रमण हटाव मुहूर्त दिवाळी नंतर काढला जाणार आहे. यामुळे लहान मोठ्या व्यवसायिकांनी काहीसा सुटकेचा निश्वास टाकला.
श्रीगोंदा ते बीड जिल्हा सरहद्द या भागातून NH548D हा राष्ट्रीय महामार्ग जात आहे. या महामार्गाचे काम वेगाने सुरू आहे. सदर महामार्ग जामखेड शहरातून जात असल्याने महामार्गाच्या कामात अडथळे ठरणारे अतिक्रमणे काढली जाणार आहेत.
जामखेड शहरातून जाणार्‍या महामार्गामुळे बाधित होणाऱ्या छोट्या मोठ्या व्यावसायिकांसह इमारत मालकांची आज आमदार रोहित पवार यांनी जामखेडमध्ये बैठक घेतली. या बैठकीला महामार्गाचे अधिकारी उपस्थित होते. यावेळी पार पडलेल्या बैठकीत आमदार रोहित पावर यांनी 4 टप्यात अतिक्रमणावर चर्चा केली.
या बैठकीस राजेंद्र कोठारी, मधुकर आबा राळेभात, दत्तात्रय वारे, सूर्यकांत मोरे, सुरेश भोसले, वैजनाथ पोले, सुनिल जगताप, इरफान शेख, तसेच शहरातील छोटे मोठे व्यापारी मोठ्या संख्येने उपस्थित होते. या बैठकीत अनेकांनी आपल्या भूमिका मांडल्या.