शेती पंप चोरणारा चोरटा गजाआड, 4 मोटारी हस्तगत, जामखेड गुन्हा शोध पथकाची धडक कारवाई

जामखेड टाईम्स वृत्तसेवा । ग्रामीण भागात विद्युत मोटारी चोरी होण्याचे प्रमाण वाढले आहे. यामुळे बळीराजा हवालदिल झाला आहे. विद्युत मोटारी चोरणाऱ्या चोरांचा बंदोबस्त करावा अशी मागणी जोर धरू लागलेली आहे. अश्यातच जामखेड पोलिस दलातील गुन्हा शोध पथकाने खर्डा भागातील विद्युत मोटारी चोरणाऱ्या एका चोराच्या मुसक्या आवळत चार विद्युत मोटारी हस्तगत करण्याची कारवाई पार पाडली आहे.

याबाबत पोलिस सुत्रांकडून मिळालेली माहिती अशी की, जामखेड पोलिस स्टेशनला 18 जानेवारी रोजी गुन्हा रजिस्टर नंबर 20/2022 अन्वये कलम 379,34 प्रमाणे गुन्हा दाखल करण्यात आला होता.

सदर गुन्ह्याचा गुन्हे शोध पथकाचे अधिकारी व अंमलदार हे तपास करीत होते. 20 जानेवारी रोजी बाळगव्हाण येथील बाबा दयानंद खाडे याने सदर चोरी केल्याची गुप्त माहिती गुन्हे शोध पथकाला मिळाली. त्या आधारे पोलिसांनी बाबा खाडे या 21 वर्षीय तरूणाला बाळगव्हाण येथून ताब्यात घेण्यात आले.

खाडे याला पोलिस स्टेशनला आणुन त्याला पोलिसी खाक्या दाखवताच त्याने गुन्ह्याची कबुली दिली. सदरच्या गुन्ह्यात त्याचा भाऊ योगेश दयानंद खाडे व एक अल्पवयीन आरोपी त्याचे साथीदार असल्याचे बाबा खाडे याने पोलिसांना सांगितले.

• Davos Maharashtra 2025 : दावोसमध्ये 29 कंपन्यांकडून महाराष्ट्र सरकारने मिळवली 6 लाख 25 हजार 457 कोटींची गुंतवणूक, कोणत्या कंपन्या महाराष्ट्रात गुंतवणूक करणार? वाचा संपूर्ण यादी
• Maharashtra Davos 2025 : दावोस परिषदेच्या पहिल्या दिवशी महाराष्ट्रासाठी 4 लाख 99 हजार 321 कोटी रूपयांचे सामंजस्य करार, 92 हजार 235 रोजगार निर्मिती होणार – देवेंद्र फडणवीस
• Sant Vamanbhau Maharaj Punyatithi 2025 : बुधवारपासून जामखेड तालुक्यातील जमादारवाडीत रंगणार भक्ती सोहळा, संत वामनभाऊ महाराज पुण्यतिथी निमित्त अखंड हरिनाम सप्ताहाचे आयोजन !
• Republic Day Parade 2025 : दिल्लीत प्रजासत्ताक दिनी होणाऱ्या परेडचे ठळक वैशिष्ट्ये आणि संपूर्ण वेळापत्रक काय आहे ? कोण आहेत यंदाचे प्रमुख पाहुणे ? संपूर्ण माहिती जाणून घ्या एका क्लिकवर
• Ram Shinde Sabhapati : भारतीय राज्यघटनेमुळे भारताची जागतिक स्तरावर शक्तिशाली राष्ट्र म्हणून ओळख – प्रा.राम शिंदे, पटणा पीठासीन अधिकारी परिषद 2025

त्यानंतर पोलिसांनी बाबा खाडे व त्याचा अल्पवयीन साथीदार याच्याकडून सदर गुन्ह्यात चोरीस गेलेली 1 शेती पंप व इतर 3 शेती मोटारपंप हस्तगत केले.  या कारवाईत पोलिसांनी मुख्य आरोपी बाबा खाडे याला अटक केली असून 4 विद्युत मोटारी जप्त केल्या आहेत.

जामखेड तालुक्यात सध्या सुगीचे दिवस सुरू आहेत. शेतकरी रब्बी पिकांना जगवण्यासाठी धडपड करत आहेत. शेतीला पाणी देण्यासाठी आवश्यक विद्युत मोटारी चोरीचे प्रमाण वाढले आहे.

ज्या प्रकारे बाळगव्हाण भागातील विद्युत मोटारी चोरणारा चोरटा गजाआड झाला, त्या प्रकारे तालुक्यातील इतर चोरीच्या घटनांचा तातडीने तपास लागून चोरटे गजाआड करण्याची धडाकेबाज कारवाई  जामखेड पोलिसांनी पार पाडून शेतकऱ्यांना न्याय द्यावा अशी मागणी जोर धरू लागली आहे.

सदरची कारवाई पोलीस अधिक्षक मनोज पाटील, अप्पर पोलीस अधिक्षक सौरभकुमार अग्रवाल, उपविभागीय पोलीस अधिकारी अण्णासाहेब जाधव यांचे मार्गदर्शनाखाली पोलीस निरीक्षक संभाजीराव गायकवाड, पोलिस उपनिरीक्षक राजु थोरात, पोलिस नाईक संभाजी शेंडे, पोलिस नाईक अविनाश ढेरे, पोलिस काँस्टेबल संग्राम जाधव, संदिप राऊत,विजय कोळी, आबा आवारे, अरूण पवार, संदिप आजबे यांनी केली आहे.