Ashok Chavhan Latest News in Marathi : अशोक चव्हाण यांनी काँग्रेस का सोडली? नेमकं कारण काय ? जाणून घ्या सविस्तर !

By Team jamkhedtimes.com On Feb 12, 2024

Ashok Chavhan Latest News in Marathi : महाराष्ट्राला अपेक्षित नसतील असे राजकीय भूकंप होणार असा दावा सातत्याने भाजप नेत्यांकडून केला जात होता, आता हा दावा खरा ठरत असल्याचे दिसत आहे. काँग्रेस पक्षात सोमवारी मोठा राजकीय भूकंप झाला. काँग्रेस पक्षाचे जेष्ठ नेते तथा माजी मुख्यमंत्री अशोक चव्हाण यांनी पंजाची साथ सोडली. चव्हाण यांनी काँग्रेस पक्षासह आमदारकीचा राजीनामा दिला. अशोक चव्हाण यांच्या राजीनाम्याने महाराष्ट्राच्या राजकारणात मोठी खळबळ उडाली आहे. अशोक चव्हाण यांनी काँग्रेस का सोडली ? जाणून घेऊयात सविस्तर ! (Ashok Chavhan Latest News in Marathi)

Ashok Chavhan Latest News in Marathi , Why did Ashok Chavan leave Congress? What is the real reason? Know in detail

चर्चेतल्या बातम्या

Ram Shinde : २६.९१ कोटींच्या पाणी योजनेचा प्रस्ताव तातडीने…

Jun 17, 2026

कृषी क्रांती — शेतकऱ्यांसाठी एक संपूर्ण डिजिटल व्यासपीठ

May 13, 2026

नांदेडचे अशोक चव्हाण हे राज्याचे माजी मुख्यमंत्री शंकरराव चव्हाण यांचे सुपुत्र आहेत. जन्मापासून काँग्रेस पक्षात असलेल्या अशोक चव्हाण यांनी महाराष्ट्राचे मुख्यमंत्रीपद भूषविलेले आहे. महाराष्ट्र काँग्रेसमधील सर्वात मातब्बर नेते म्हणून चव्हाण यांची ओळख आहे. सध्या देशभर लोकसभा निवडणूकीचे वारे जोरात वाहत आहे. सर्व राजकीय पक्ष या निवडणुकीच्या तयारीत गुंतले आहेत. महाराष्ट्रात महाविकास आघाडीची निवडणूक तयारी जोरात सुरु आहे. जागावाटपाच्या बैठकांचे सत्र सुरु आहे. या बैठकांमध्ये काँग्रेस पक्षाकडून चर्चेसाठी अशोक चव्हाण व इतर नेत्यांचा सहभाग असायचा, त्यातील अशोक चव्हाण यांनी आज काँग्रेसचा राजीनामा दिला. महाविकास आघाडीला सुरुंग लावला. (Ashok Chavhan Latest News in Marathi)

अशोक चव्हाण यांच्या राजीनाम्याची देशभर चर्चा रंगली आहे. अशोक चव्हाण यांनी काँग्रेसचा राजीनामा दिल्याने काँग्रेसला तगडा झटका बसला आहे. रामजन्मभूमी प्राणप्रतिष्ठेचा सोहळ्याच्या आधी अशोक चव्हाण यांनी नांदेडमध्ये लावलेल्या डिजिटल फलक चर्चेत आले होते.या फलकावरून काँग्रेसचे चिन्ह आणि नेत्यांचे फोटो गायब होते. त्यावर फक्त प्रभू श्री राम यांचा फोटो आणि अशोक चव्हाण यांचे नाव आणि फोटो होते. तेव्हापासूनच अशोक चव्हाण यांचा भाजप प्रवेश निश्चित मानला जात होता. आज अशोक चव्हाण यांनी पक्षाचा राजीनामा दिला आहे. दोन दिवसांत पुढील निर्णय घेऊ असे त्यांनी जाहीर केले आहे. चव्हाण यांचा भाजपातील प्रवेश ही आता औपचारिक बाब राहिली असल्याचे बोलले जात आहे.

Ashok Chavhan Latest News in Marathi मला कोणाचीही तक्रार करायची नाही

नाराजीचं कारण काय या प्रश्नावरही ते बोलले नाहीत. ‘मला कोणाचीही तक्रार करायची नाही. पक्षांतर्गत गोष्टी बाहेर काढायच्या नाहीत. कुणाचीही उणीदुणी काढायची नाहीत. तो माझा स्वभाव नाही,’ असं अशोक चव्हाण म्हणाले. भाजपकडून राज्यसभेवर पाठवलं जाणार असल्याची चर्चेवरही चव्हाण यांनी मत मांडलं. ‘मी कुठल्याही पक्षाच्या संपर्कात नाही. कोणत्याही पक्षात जाण्याचा निर्णय अद्याप घेतलेला नाही. मला निर्णय घेण्यासाठी वेळ हवा आहे. येत्या दोन दिवसांत माझा निर्णय जाहीर करेन, असं चव्हाण यांनी सांगितलं. (Ashok Chavhan Latest News in Marathi)

अशोक चव्हाण यांनी काँग्रेस का सोडली ?

काँग्रेस प्रदेशाध्यक्षपदाचा राजीनामा दिल्यापासून अशोक चव्हाण हे पक्षात अस्वस्थ होते. पक्षांतर्गत गटबाजीमुळे अशोक चव्हाण हे नाराज होते. पक्षात विशिष्ट गटाकडून निष्ठावंताना डावलण्याच्या खेळ्या खेळल्या जात होत्या, याच गोष्टीला कंटाळून अशोक चव्हाण यांनी पक्ष सोडण्याचा निर्णय घेतल्याचे बोलले जात आहे. त्याचबरोबर बुलढाणा अर्बन बँकेकडून साखर कारखान्यासाठी घेतलेल्या 200 कोटींच्या कर्जाची ED कडून चौकशी हाती घेतली जाणार अशी चर्चा होती. यात चव्हाण यांच्यासह त्यांच्या कुटूंबियांचीही चौकशी होणार होती, अशी चर्चा आहे. त्याचबरोबर भाजपने जारी केलेल्या श्वेतपत्रिकेत आदर्श घोटाळ्याचा उल्लेख करण्यात आला. आदर्श घोटाळ्याचा तपास सुरु असल्याचे श्वेतपत्रिकेत म्हटले आहे. आदर्श घोटाळा प्रकरणात अशोक चव्हाण यांचे नाव आहे. त्यांना याच घोटाळ्यामुळे मुख्यमंत्रीपदाचा राजीनामा द्यावा लागला होता. घोटाळ्यांमध्ये अडकून जेलमध्ये जाण्यापेक्षा त्यातून सुटका व्हावी यासाठी अशोक चव्हाण यांनी काँग्रेस पक्ष सोडला अशीही चर्चा राजकीय वर्तुळात रंगली आहे. (Ashok Chavhan Latest News in Marathi)

अशोक चव्हाण भाजपमध्ये आले का ?

काँग्रेसचे जेष्ठ नेते तथा राज्याचे माजी मुख्यमंत्री अशोक चव्हाण यांनी सोमवारी काँग्रेस पक्षाचा राजीनामा दिला. त्याबरोबर आमदारकीचाही राजीनामा दिला. अशोक चव्हाण हे भाजपमध्ये प्रवेश करणार अशी गेल्या काही दिवसांपासून चर्चा होती. त्यांनी आज काँग्रेस पक्षाची साथ सोडण्याचा निर्णय घेतल्याने या चर्चांना बळ मिळाले आहे. अशोक चव्हाण यांनी अजुन भाजपात अधिकृत प्रवेश केलेला नाही. पुढील दोन दिवसांत अशोक चव्हाण हे आपला निर्णय जाहिर करणार आहेत. सुत्रांनी दिलेल्या माहितीनुसार अशोक चव्हाण हे 15 फेब्रुवारी रोजी देशाचे गृहमंत्री अमित शहा यांच्या उपस्थितीत भाजपात प्रवेश करण्याची दाट शक्यता आहे. (Ashok Chavhan Latest News in Marathi)

अशोक चव्हाण काय म्हणाले ?

काँग्रेसचे जेष्ठ नेते तथा माजी मुख्यमंत्री अशोक चव्हाण यांनी सोमवारी काँग्रेस पक्षाचा राजीनामा दिला. त्यानंतर त्यांनी माध्यमांशी संवाद साधत काँग्रेस का सोडली ? त्यावर थेट भाष्य केले नाही. यावेळी चव्हाण म्हणाले, ‘प्रत्येक निर्णयामागे कारण असलंच पाहिजे असं नाही आणि प्रत्येक कारण जाहीरपणे सांगितलंच पाहिजे असं नाही. जोपर्यंत मी काँग्रेसमध्ये होतो, तोपर्यंत पक्षात प्रामाणिकपणे काम केलं. आता काही तरी वेगळा पर्याय चाचपून पाहावा असं वाटल्यानं मी बाजूला होत आहे,’ असं ते म्हणाले. (Ashok Chavhan Latest News in Marathi)