Yashwantrao Chavan Mukt Colony Scheme । धनगर समाजातील कुटुंबांनी घरकुल योजनेचा लाभ घ्यावा- गटविकास अधिकारी प्रकाश पोळ यांचे अवाहन
जामखेड टाइम्स वृत्तसेवा : Yashwantrao Chavan Mukt Colony Scheme । यशवंतराव चव्हाण मुक्त वसाहत योजनेच्या अटी आणि शर्ती लागू करून धनगर समाजातील पात्र व वंचित कुटुंबासाठी घरकुल योजना सुरू करण्याचा निर्णय राज्य सरकारने घेतला आहे. जामखेड पंचायत समितीच्या माध्यमांतून 6 सप्टेंबर 2019 रोजीच्या शासन निर्णयानुसार यशवंतराव चव्हाण मुक्त वसाहत योजनेची अंमलबजावणी हाती घेण्यात आली आहे.
चर्चेतल्या बातम्या
जामखेड तालुक्यात यशवंतराव चव्हाण मुक्त वसाहत योजना राबवली जाणार आहे. यासाठी जामखेड तालुक्यातील धनगर समाजातील पात्र लाभार्थ्यांनी यशवंतराव चव्हाण मुक्त वसाहत योजनेसाठी अर्ज करावा, असे आवाहन जामखेड पंचायत समितीचे गटविकास अधिकारी प्रकाश पोळ यांनी केले आहे.
यशवंतराव चव्हाण मुक्त वसाहत योजना पात्रता अटी
- ही योजना फक्त धनगर समाजासाठी (भटक्या जमाती क प्रवर्गासाठी) लागू राहील.
- लाभार्थी कुटुंबाचे वार्षिक उत्पन्न रुपये 1.20 लक्ष पेक्षा कमी असावे.
- लाभार्थी बेघर असावा अथवा झोपडी/ कच्चे घर /पालामध्ये राहणारा असावा.
- सदर लाभार्थ्याचा समावेश पंतप्रधान आवास योजनेतील ड यादीमध्ये नसावा.
- लाभार्थ्याकडे 269 चौरस फूट घराचे बांधकाम करता येईल इतपत स्वतःची जागा असावी.
यशवंतराव चव्हाण मुक्त वसाहत योजनेेसाठी आवश्यक कागदपत्रे
- लाभार्थ्यांचा विहित नमुन्यातील अर्ज
- जातीचा दाखला (NTC प्रवर्ग)
- तहसीलदार यांचा उत्पन्नाचा दाखला जास्तीत जास्त 1. 20 लक्ष रु वार्षिक
- जागेचा उतारा
- राष्ट्रीयीकृत बँकेतील खात्याची पासबुक प्रत
- MREGS जॉबकार्ड
- आधार कार्ड
- रेशन कार्ड