भूमचा कबड्डी संघ विजेता तर जवळ्याचा नवयुग कबड्डी क्लब उपविजेता, रोहित पवार यांच्या वाढदिवसानिमित्त जवळ्यात पार पडली कबड्डी स्पर्धा !
जामखेड टाइम्स वृत्तसेवा : राष्ट्रवादीचे युवा नेते नय्युमभाई शेख, जवळा मुस्लिम बांधव आणि नवयुग कबड्डी क्लबच्या वतीने आमदार रोहित पवार यांच्या वाढदिवसानिमित्त घेण्यात आलेल्या राज्यस्तरीय कबड्डी स्पर्धेत भूमच्या कबड्डी संघाने विजेतेपद पटकावले तर जवळा येथील नवयुग कबड्डी क्लबने उपविजेतेपद पटकावले.अतिशय रोमहर्षक वातावरणात पार पडलेल्या या स्पर्धेला जवळेकरांनी प्रचंड प्रतिसाद दिला.
यावेळी कर्जत- जामखेडचे आमदार रोहित (दादा) पवार, सभापती सूर्यकांत मोरे, काँग्रेसच्या नेत्या मंगल भुजबळ, माजी उपसभापती दीपक पाटील, जवळा सोसायटीचे चेअरमन शहाजी (आप्पा) पाटील, सरपंच सुभाष माने, माजी सरपंच प्रदीप दळवी, अक्षय वाळूंजकर, अशोक पठाडे, रणजीत पाटील, पैलवान संकेत हजारे , राहुल हजारे , तुषार काढणे, अजिंक्य पवार, संजय आव्हाड , इरफान पठाण, मुक्तार शेख, सावता हजारे, सह जवळा पंचक्रोशीतील तरुणाई मोठ्या संख्येने यावेळी उपस्थित होती.
भरपावसात ही स्पर्धा सुरू होती. या स्पर्धेला जवळेकरांनी मोठा प्रतिसाद दिला.रात्री आठ वाजता आमदार रोहित पवार यांच्या उपस्थितीत अंतिम सामना पार पडला. भूमचा कबड्डी संघ विरूद्ध नवयुग कबड्डी क्लब जवळा यांच्यात अतिशय चुरशी लढत झाली. या लढतीत भूम संघाने बाजी मारली. तत्पूर्वी आमदार रोहित पवार यांनी मैदानात उतरत कबड्डी खेळण्याचा आनंद लुटला. अंतिम सामन्यानंतर विजेत्यांना बक्षीस वितरण करण्यात आले.
आमदार रोहित पवार यांचा नागरी सत्कार
आमदार रोहित पवार यांच्या वाढदिवसानिमित्त आयोजित कबड्डी स्पर्धेत जवळेकरांनी आमदार रोहित( दादा) पवार यांचा नागरी सत्कार केला. कार्यक्रमाच्या अध्यक्षस्थानी मुस्लिम समाजाचे जेष्ठ नेते रफिक भाई शेख हे होते. कबड्डी स्पर्धेच्या यशस्वी आयोजनासाठी नवयुग कबड्डी क्लब, जवळ्यातील मुस्लिम बांधव तसेच राष्ट्रवादीचे युवा नेते तथा ग्रामपंचायत सदस्य नय्युमभाई शेख यांनी विशेष परिश्रम घेतले.