Big Breaking | राष्ट्रवादीचे आमदार संग्राम जगताप यांच्या गाडीला भीषण अपघात

जामखेड टाईम्स वृत्तसेवा | राष्ट्रवादीचे अहमदनगर शहराचे आमदार संग्राम जगताप यांच्या गाडीला आज पहाटे भीषण अपघात झाल्याची माहिती समोर येत आहे. (NCP MLA Sangram Jagtap’s car had a terrible accident)

मुंबई-पुणे द्रुतगती महामार्गावर रसायनी जवळ एसटी आणि कारचा अपघात झाल्याची माहिती मिळत आहे. या अपघातात अहमदनगरचे आमदार संग्राम जगताप थोडक्यात बचावले आहेत. आमदार जगताप यांच्या कारचा चक्काचूर झाला असून, पहाटे साडेपाच वाजण्याच्या सुमारास हा अपघात झाल्याची माहिती समोर येत आहे.

मुंबईकडे जाणाऱ्या मार्गावर बीएमडब्ल्यू कार आणि एसटी बसचा अपघात झाला. हा अपघात रसायनी पोलीस स्टेशनच्या हद्दीत झाला आहे. या अपघातात कुणीही जखमी झालेलं नाही, असे सांगण्यात येत आहे. तसेच आमदार जगताप यांना मुंबईला घेऊन जाण्यात आल्याची माहिती समोर येत आहे.