IND vs NZ 1st Test live score : 24 ओव्हरमध्ये अवघ्या ३४ धावा आणि ६ फलंदाज तंबूत,बंगलोर कसोटीत भारतीय संघ संकटात !
IND vs NZ 1st Test live score : भारत दौर्‍यावर आलेल्या न्यूझीलंड संघाने बंगलोर येथे पहिल्या कसोटी सामन्यात भेदक गोलंदाजी करत सामन्यावर मजबुत पकड मिळवली आहे. भारतीय संघाची फलंदाजी पहिल्याच डावात ढेपाळली. २४ ओव्हरमध्ये भारताचे ६ फलंदाज तंबूत परतले आहे. भारतीय संघाने अवघ्या ३४ धावा बनवल्या आहेत.
बंगलोर कसोटीत सामन्याचा पहिला दिवस पावसामुळे वाया गेला होता. आज दुसर्‍या पावसाने विश्रांती घेतली. भारतीय संघाचा कर्णधार रोहित शर्मा याने नाणेफेक जिंकून प्रथम फलंदाजी घेतली. बंगलोर कसोटीच्या दुसर्‍या दिवशी भारतीय संघ फलंदाजीसाठी मैदानात उतरला. दुपारपर्यंत २४ ओव्हरटाईम खेळ झाला. न्यूझीलंडच्या खेळाडूंनी भेदक बॉलिंग करत भारतीय संघाचे सहा प्रमुख फलंदाज तंबूत धाडले.
कर्णधार रोहित शर्माने प्रथम फलंदाजी करण्याचा घेतलेला निर्णय न्यूझीलंडच्या गोलंदाजांनी चुकीचा ठरवला. रोहित शर्मा टीम साऊथीच्या गोलंदाजीवर २ धावांवर बाद झाला. विराट कोहली आणि सरफराज खान लोकेश राहूल हे शून्यावर बाद झाले. तर आक्रमक सलामीवीर यशस्वी जयस्वाल १३ धावांवर बाद झाला. रविंद्र जडेजा आणि आर आश्विन हेही शून्यावर बाद झाले. तर यष्टीरक्षक फलंदाज ऋषभ पंत हा २० धावांवर बाद झाला. जसप्रित बुमराह शून्यावर बाद झाला.
India vs New Zealand Bangalore Test live Scorecard
शेवटचे वृत्त हाती आले तेव्हा भारताने बंगलोर कसोटीच्या पहिल्या डावात अवघ्या ४० धावांत ९ फलंदाज गमावले. २६ ओव्हरटाईम खेळ पुर्ण झाला असून मैदानावर फिरकी गोलंदाज कुलदीप यादव आणि वेगवान गोलंदाज मोहम्मद सिराज दोघे फलंदाजी करत आहेत.
न्यूझीलंडच्या गोलंदाजांनी बंगलोर कसोटीच्या पहिल्या डावात भेदक गोलंदाजी केली. मॅट हेन्री (matt Henry) याने भेदक गोलंदाजी केली. त्याने ४ विकेट्स घेतल्या तर will OʻRourke याने चांगली साथ देत ४ विकेट्स मिळवल्या. टीम साऊथीला अवघी १ विकेट्स मिळाली.