Rohit Pawar | चला पेटून उठा.. शांत बसू नका.. आपली ताकद दाखवा.. आमदार रोहित पवारांची कार्यकर्त्यांना साद !
जामखेड टाइम्स वृत्तसेवा । सत्तार शेख। रोहित पवार विरूद्ध राम शिंदे या दोन्ही आमदारांमधला राजकीय संघर्ष तीव्र बनत चालला आहे.पवार विरूद्ध शिंदे या संघर्षामुळे दोन्ही पक्षातील दुसऱ्या आणि तिसऱ्या फळीतील कार्यकर्त्यांमध्येही वातावरण टाईट बनले आहे.आक्रमक होत ऐकमेकांविरोधात कार्यकर्ते आरोप प्रत्यारोपांचा धुराळा उडवून देत असल्याचे दिसत आहेत.असे असतानाच आमदार रोहित पवार यांनी मंगळवारी जामखेडमध्ये केलेले वक्तव्य आता चर्चेत आलं आहे.
आमदार रोहित पवार यांच्याकडून मंगळवारी जामखेडमध्ये दिवाळी निमित्त शुभेच्छा कार्यक्रमाचे आयोजन करण्यात आले होते. यावेळी आमदार रोहित पवार यांनी तालुक्यातील कार्यकर्त्यांशी संवाद साधला. कर्जत-जामखेड मतदारसंघात सुरु असलेल्या आरोप प्रत्यारोपांच्या धुराळ्यावर आमदार रोहित पवार काय बोलणार याकडे सर्वांचेच लक्ष लागले होते. या कार्यक्रमातून पवार यांनी आपल्या कार्यकर्त्यांना भाजप विरोधात आक्रमक होण्याचे आदेश दिले.
“रोहित पवार पुढे म्हणाले की, लढा देत असताना आम्ही वरच्या पातळीवर लढा देतचं आहोत, तालुका पातळीवरही लढा देत आहोत आणि त्याच्याचबरोबर गावपातळीवर असो किंवा शहराच्या पातळीवर लढा द्यायचा असेल, तर पदाधिकारी असतील आणि कार्यकर्ते असतील त्यासाठी तुम्ही सक्षम आहात. तुमच्यावर माझा विश्वास आहे.पार्टीचा विश्वास आहे.आमच्या सर्वांचा विश्वास आहे. तुम्हीच खरी ताकद आहात. पण ती ताकद सुध्दा आता आपल्याला कुठंतरी त्या ठिकाणी दाखवावी लागेल, अशी साद घालत कार्यकर्त्यांनी संघर्षांसाठी सज्ज रहावे, असे अवाहन पवार यांनी केले.”
“जर एखाद्या गावामध्ये आपल्या कार्यकर्त्यांवर अन्याय होत असेल तर आम्ही आहोतच पण तुम्ही सुध्दा कुटुंब म्हणून त्या कार्यकर्त्यासोबत त्या ठिकाणी राहण्याची जरूरत आहे. याच्याच बरोबर आपल्या पार्टीला सुध्दा ताकद देण्याची जरूरत आहे असं मला वाटतं असे म्हणत एक व्यक्ती सगळीकडे लढू शकतं नाही, त्यासाठी कार्यकर्ते आणि पदाधिकारीही महत्वाचे असतात असे सांगत संघर्षांसाठी कार्यकर्त्यांनी सज्ज रहावे असेच अवाहन पवार यांनी केले.”