मुंबई, वृत्तसंस्था । मुंबईतून एक धक्कादायक बातमी समोर आली आहे. भारतीय नौदलाची युद्धनौका आयएनएस रणवीरवर (indian Navy’s INS Ranvir warship) मुंबईत स्फोट झाला. या अपघातात नौदलाच्या तीन जवानांचा मृत्यू झाला आहे तर अनेक जण जखमी झाल्याचे सांगण्यात येत आहे. (Explosion on Indian Navy’s INS Ranvir warship, killing three soldiers and injuring several others)
या घटनेबाबत भारतीय नौदलाच्या अधिकाऱ्याने सांगितले की, “मंगळवारी नेव्हल डॉकयार्ड मुंबई (Naval Dockyard Mumbai) येथे एक दुर्दैवी घटना घडली. आयएनएस रणवीरच्या अंतर्गत डब्यात झालेल्या स्फोटात नौदलाच्या ३ जवानांना प्राण गमवावे लागले. जहाजाच्या कर्मचाऱ्यांनी तातडीने परिस्थिती नियंत्रणात आणली.
आयएनएस रणवीर नोव्हेंबर 2021 पासून पूर्व नौदल कमांडकडून क्रॉस कोस्ट ऑपरेशनल तैनातीवर होती आणि लवकरच बेस पोर्टवर परत येणार होती. अपघातानंतर या प्रकरणाची चौकशी करण्याचे आदेश बोर्ड ऑफ इन्क्वायरीला देण्यात आले आहेत. सूत्रांनी दिलेल्या माहितीनुसार, 11 जवानांवर स्थानिक नेव्ही हॉस्पिटलमध्ये उपचार सुरू आहेत.
- जामखेड : पुण्यश्लोक अहिल्यादेवी होळकरांनी १७०८ साली बांधलेल्या बारवेचा चौंडी विकास प्रकल्पात समावेश करून जिर्णोद्धार व्हावा – जवळा परिसरातील जनतेची मागणी
- महाराष्ट्र केसरी 2025 निकाल : ब्रेकिंग न्यूज ! महाराष्ट्र केसरीच्या अंतिम सामन्यात पुण्याचा पृथ्वीराज मोहोळ ठरला विजेता, तर महेंद्र गायकवाड उपविजेता
- चौथ्या T20 सामन्यात भारताचा इंग्लंडवर दणदणीत विजय, भारताने T20 मालिका 3-1 ने जिंकली!
- India vs England 4th T20 match live : भारत विरुद्ध इंग्लंड चौथा टी 20 सामना, इंग्लंडने घेतला बोलिंगचा निर्णय, 6 षटकात भारताची अवस्था 3 बाद 46
- Palak Mantri List Maharashtra 2025 : रायगड व नाशिक या दोन जिल्ह्यांच्या पालकमंत्रीपदाचा तिढा कायम, पालकमंत्री पदाबाबत मुख्यमंत्री देवेंद्र फडणवीस यांचे मोठे वक्तव्य
आयएनएस रणवीर 28 ऑक्टोबर 1986 रोजी भारतीय नौदलात दाखल झाले. हे 310 नाविकांच्या टीमद्वारे चालवले जाते. हे शस्त्रे आणि सेन्सर्सने सुसज्ज आहे. त्यात पृष्ठभागावरून जमिनीवर मारा करणारी आणि जमिनीपासून हवेत मारा करणारी क्षेपणास्त्रे आहेत.
याशिवाय यात क्षेपणास्त्रविरोधी तोफा आणि पाणबुडीविरोधी रॉकेट लाँचरही आहेत. यापूर्वी 23 ऑक्टोबर 2021 रोजी भारतीय नौदलाच्या आयएनएस रणविजयमध्ये आग लागल्याची घटना घडली होती. या घटनेत चार जण जखमी झाले. आयएनएस रणवीरमध्ये झालेल्या स्फोटानंतर मृतांचा आकडा आणखी वाढण्याची भीती आहे. या घटनेबाबतचे वृत्त ANI ने दिले आहे.