AI Disney style cartoon : महाराष्ट्रातील दिग्गज दिवंगत नेत्यांचे डिस्ने स्टाईल कार्टून, पहा फोटो
जामखेड टाइम्स वृत्तसेवा : AI Disney style cartoon : आर्टिफिशियल इंटेलिजेंसच्या (AI) मदतीने अनेक जण आपल्या कलागुणांना वाव देत आहेत. प्रहारचे अध्यक्ष आमदार बच्चू कडू यांचे स्विय सहाय्यक अमित वानखेडे (Amit Wankhede News) यांनी महाराष्ट्रातील अनेक दिग्गज नेत्यांचे डिस्ने कार्टून (Disney style cartoon) साकारले आहेत. यात काही दिवंगत नेत्यांच्या डिस्ने कार्टूनचा समावेश आहे.
अमित वानखेडे यांच्या या प्रयोगाला सोशल मिडीयावर प्रचंड प्रतिसाद मिळत आहे. अनेक जण वानखेडे यांचे कौतूक करताना दिसत आहेत. विशेषता: राजकीय वर्तुळातून वानखेडे यांच्या या प्रयोगाला विशेष दाद मिळत आहे.
अमित वानखेडे यांनी शिवसेनाप्रमुख बाळासाहेब ठाकरे, लोकनेते गोपीनाथरावजी मुंडे, माजी मुख्यमंत्री विलासराव देशमुख, माजी उपमुख्यमंत्री आर आर पाटील, भाजपा नेते प्रमोद महाजन, काँग्रेसचे डाॅ राजीव सातव, भाजपा नेते गिरिश बापट या दिग्गज नेत्यांचे अर्कचित्र आर्टिफिशियल इंटेलिजेंसच्या (AI) मदतीने साकारले आहेत.
