LPG Gas Cylinder New Rules 2026: घरगुती गॅस सिलिंडर बुकिंगच्या नियमात मोठा बदल; आता ‘इतक्या’ दिवसांनंतरच मिळणार दुसरे रिफिल!
जामखेड टाइम्स वृत्तसेवा: LPG Gas Cylinder New Rules 2026 : LPG Gas Cylinder Price आणि वितरणाबाबत केंद्र सरकारने आता अत्यंत कडक पाऊल उचलले आहे. घरगुती एलपीजी (Domestic LPG) ग्राहकांसाठी एक मोठी अपडेट समोर आली असून, गॅस कंपन्यांनी सिलिंडर बुकिंगच्या नियमांमध्ये (LPG Booking Rules) मोठे बदल केले आहेत. गॅसचा काळाबाजार रोखणे आणि वितरण व्यवस्थेत पारदर्शकता आणणे हा यामागचा मुख्य उद्देश असल्याचे सांगण्यात येत आहे. (LPG Gas Cylinder New Rules 2026)
LPG Refill Booking Limit: आता ३५ दिवसांचा ‘वेटिंग पिरियड’ अनिवार्य
केंद्र सरकारने १४.२ किलोच्या घरगुती LPG सिलेंडरच्या दोन रिफिलमधील अनिवार्य प्रतीक्षा कालावधी (Mandatory Waiting Period) वाढवला आहे. नवीन नियमांनुसार,ज्या ग्राहकांकडे डबल सिलेंडर कनेक्शन (Double Cylinder Connection, DBC) आहे, त्यांना आता त्यांचे दुसरे रिफिल बुक करण्यासाठी मागील डिलिव्हरीच्या तारखेपासून ३५ दिवस वाट पाहावी लागणार आहे. यापूर्वी हा कालावधी २५ दिवसांचा होता.
PM Ujjwala Yojana Beneficiaries: उज्ज्वला गॅस धारकांसाठी ४५ दिवसांचा नियम
प्रधानमंत्री उज्ज्वला योजना (Pradhan Mantri Ujjwala Yojana PMUY) अंतर्गत गॅस जोडणी घेतलेल्या लाभार्थ्यांसाठी नियम अधिक कडक करण्यात आले आहेत. उज्ज्वला योजनेच्या ग्राहकांना आता पुढील सिलेंडर बुक करण्यासाठी ४५ दिवस प्रतीक्षा करावी लागेल. तर, ज्या ग्राहकांकडे Single Bottle Connection (SBC) आहे, त्यांना मागील डिलिव्हरीनंतर २५ दिवसांनी नवीन बुकिंग करता येईल.
How to Book LPG Cylinder: बुकिंग करताना ‘या’ अटीचे पालन करा
नवीन नियमाचा सर्वात महत्त्वाचा पैलू म्हणजे, पुढील सिलिंडरची पात्रता ही तुमच्या मागील ‘बुकिंग’च्या तारखेवर अवलंबून नसेल. तर, ज्या दिवशी तुम्हाला सिलिंडरची ‘प्रत्यक्ष डिलिव्हरी’ (Delivery Date) मिळाली आहे, त्या दिवसापासून ३५ किंवा ४५ दिवसांची गणना केली जाईल. जर ग्राहकाने या मुदतीपूर्वी बुकिंग करण्याचा प्रयत्न केला, तर ‘प्रि-मॅच्युअर बुकिंग’ (Pre-mature booking) म्हणून ती विनंती सिस्टीमद्वारे नाकारली जाईल.
Commercial LPG Gas Update: व्यावसायिक गॅस तुटवड्यावर केंद्राचा दिलासा
एकीकडे घरगुती गॅसचे नियम कडक होत असताना, दुसरीकडे व्यावसायिक गॅसच्या (Commercial LPG Cylinder) पुरवठ्यावरील ताण कमी करण्यासाठी सरकारने महत्त्वाचा निर्णय घेतला आहे. केंद्र सरकारने राज्यांसाठी व्यावसायिक गॅसच्या वाटपात २० टक्क्यांनी वाढ केली आहे. यामुळे एकूण वाटप आता ५० टक्क्यांवर पोहोचले असून, येत्या २-३ दिवसांत हॉटेल आणि व्यावसायिक वापरासाठी गॅसचा पुरवठा सुरळीत होण्याची शक्यता आहे.
LPG Helpline Number: तक्रारीसाठी येथे संपर्क करा
ग्राहकांना या नवीन नियमांमुळे काही तांत्रिक अडचण आल्यास किंवा अधिक माहिती हवी असल्यास, ते अधिकृत टोल-फ्री हेल्पलाइन क्रमांक १८००-२३३३-५५५ वर संपर्क साधू शकतात.
गॅस सिलिंडरसाठी नवीन नियम काय आहेत ?
”घरगुती एलपीजी (LPG) ग्राहकांसाठी गॅस कंपन्यांनी बुकिंगच्या नियमात मोठे बदल केले आहेत. आता ग्राहकांना त्यांच्या १४.२ किलोच्या सिलिंडरसाठी पुढील रिफिल बुक करण्यापूर्वी ठराविक प्रतीक्षा कालावधी (Waiting Period) पूर्ण करावा लागेल. नवीन नियमांनुसार, डबल सिलिंडर (DBC) कनेक्शन असलेल्या शहरी ग्राहकांना आता २५ ऐवजी ३५ दिवसांनंतरच नवीन बुकिंग करता येईल. तसेच, प्रधानमंत्री उज्ज्वला योजनेच्या लाभार्थ्यांसाठी हा कालावधी ४५ दिवसांचा करण्यात आला आहे.
विशेष म्हणजे, ही मुदत मागील बुकिंगच्या तारखेपासून नाही, तर सिलिंडरच्या ‘प्रत्यक्ष डिलिव्हरी’च्या तारखेपासून मोजली जाणार आहे. गॅसचा काळाबाजार रोखणे आणि पारदर्शकता वाढवणे हा या बदलांमागचा मुख्य उद्देश असून, विहित मुदतीपूर्वी केलेले कोणतेही बुकिंग सिस्टिमद्वारे आपोआप नाकारले जाईल.”
LPG Gas Crisis: देशात गॅस टंचाईचे सावट का निर्माण झाले?
”सध्या देशात निर्माण झालेल्या एलपीजी (LPG) संकटाचे मुख्य कारण म्हणजे पश्चिम आशियातील भू-राजकीय तणाव (Geopolitical Tensions) परिस्थिती आणि इराण-इस्रायल अमेरिका युद्धामुळे ‘होर्मुजची सामुद्रधुनी’ (Strait of Hormuz) हा सागरी मार्ग विस्कळीत होणे. भारताची सुमारे ९०% गॅस आयात याच मार्गावरून होते, त्यामुळे पुरवठा साखळीवर मोठा ताण आला आहे.
गॅस टंचाईचे हे संकट निवारण्यासाठी केंद्र सरकारने ‘अत्यावश्यक वस्तू कायदा’ (Essential Commodities Act) लागू करून देशातील रिफायनरींना गॅस उत्पादन वाढवण्याचे आदेश दिले आहेत. तसेच, व्यावसायिक गॅसचा कोटा कमी केला आहे. याचा मोठा फटका हाॅटेल व इतर व्यवसायांना बसला आहे. राज्य स्तरावर, महाराष्ट्र सरकारने जिल्हाधिकाऱ्यांच्या अध्यक्षतेखाली विशेष समित्या स्थापन केल्या असून, गॅसचा काळाबाजार रोखण्यासाठी कडक पाळत ठेवली जात आहे.”