कर्जत : कॉपर वायर चोरी करणारी आंतरजिल्हा टोळी जेरबंद,०६ आरोपींकडुन ४ लाखाचा मुद्देमाल हस्तगत, कर्जतमध्ये एलसीबीची धडक कारवाई
जामखेड टाइम्स वृत्तसेवा : दहा दिवसांपुर्वी कर्जत तालुक्यातील शिंदे गावातील तुकाई चारीच्या लिफ्ट इरिगेशन सबस्टेशनमधील ट्रान्सफॉर्मरमधून कॉपर कोर आणि ऑईल चोरीची मोठी घटना घडली होती.या घटनेत २५ लाखांचा मुद्देमाल चोरीस गेला होता. स्थानिक गुन्हे शाखेच्या पथकाने या गुन्ह्याचा छडा लावत ६ आरोपींच्या मुसक्या आवळल्या आहेत. आरोपींकडून ४ लाख २३ हजार ८०० रुपयांचा मुद्देमाल जप्त करण्यात आला आहे. या प्रकरणात पोलिसांनी आंतर जिल्हा टोळीचा पर्दाफाश केला आहे.
२२ सप्टेंबर रोजी कर्जत तालुक्यातील शिंदे गावच्या शिवारातील तुकाई चारीचे लिप्ट इरिगेश सब स्टेशनमध्ये हायराझर कंपनीचे ट्रान्सफार्मर मधील २५,७२,४००/- रुपये किंमतीचे कॉपर कोर व ऑईल चोरीची जाण्याची घटना घडली होती. या प्रकरणी दिपक महादेव शिंदे रा. शिंदे ता. कर्जत यांनी कर्जत पोलिस स्टेशनला अज्ञात चोरट्या विरोधात गुन्हा रजि नं ५२२/२०२५ भारतीय न्याय सहिंता क ३०३ (२), ३२४ (४) प्रमाणे गुन्हा दाखल केला होता.
गुन्ह्याचे गांभीर्य पाहता याचा तपास स्थानिक गुन्हे शाखेच्या विशेष तपास पथकाकडे या गुन्ह्याचा तपास सोपविण्यात आला होता. दहा दिवसांत कसून तपास केल्यानंतर एलसीबीने या गुन्ह्याचा छडा लावला. कर्जत तालुक्यातील नवसरवाडी येथे छापेमारी करत ६ आरोपींना अटक केली. या धडक कारवाईत आरोपींकडून ४ लाख २३ हजार ८०० रुपयांचा मुद्देमाल जप्त करण्यात आले आहे. ही कारवाई २ ऑक्टोबर रोजी करण्यात आली.
या कारवाईत मुख्य सुत्रधार मच्छिंद्र रामदास काळे, वय ५० वर्षे, सागर मच्छिद्र काळे वय १९ वर्षे, श्याम विष्णु पवार वय २६ वर्षे, विष्णु सरदार पवार वय ६५ वर्षे, सर्व रा. नवसरवाडी ता. कर्जत, किशोर खेलु पवार वय ४५ वर्षे, रा. हाँसींग सोसायटी मार्डी ता. जि. सोलापुर, राजकुमार मधुकर भोपळे रा. ढोकी ता. जि.धाराशिव यांना अटक करण्यात आली आहे. सचिन विष्णु पवार, रा. नवसरवाडी, ता. कर्जत, शिवाजी विष्णु पवार, रा. सदर, प्रविण उर्फ पवन पवार, रा. शिर्डी बाजारतळ, ता. राहता, जि. अहिल्यानगर हे तिघे जण फरार आहेत. या सर्वांना सोबत घेऊन शिंदे गावात गुन्हा केल्याची कबुली मुख्य सुत्रधाराने पोलिसांना दिली आहे.
या प्रकरणातील आरोपी किशोर खेलु पवार हा रेकॉर्डवरील आरोपी असुन त्याच्याविरुध्द सोलापुर, धाराशिव, जिल्ह्यांमध्ये घरफोडी व चोरीचे एकुण १३ गुन्हे दाखल आहेत. ताब्यातील आरोपींना कर्जत पोलीस स्टेशन गुन्हा रजि नं ५२२/२०२५ भारतीय न्याय सहिंता क. ३०३(२), ३२४(४) प्रमाणे गुन्ह्याचे तपासकामी कर्जत पोलीस स्टेशन येथे हजर करण्यात आले असुन पुढील तपास कर्जत पोलीस स्टेशन करीत आहे.
ही कारवाई स्थानिक गुन्हे शाखेचे पोलिस निरीक्षक किरणकुमार कबाडी यांच्या नेतृत्वाखालील पथकाने पार पडली. य पथकात पोलिस उपनिरीक्षक समीर अभंग, पोलीस अंमलदार रमेश गांगर्डे, गणेश लबडे, फुरकान शेख, शामसुंदर जाधव, मनोज साखरे, भाऊसाहेब काळे, अमोल कोतकर, प्रशांत राठोड, बाळासाहेब खेडकर, अरुण मोरे, महिला पोलीस अंमलदार सोनाली भागवत यांचा समावेश होता.