Sunil Kadam IRS: जिद्द असावी तर अशी! खाकी वर्दीचा त्याग अन् IRS पदी झेप; कर्जतच्या सुनील कदम यांचा थक्क करणारा ‘दुहेरी विजयाचा’ प्रवास ! वाचा एका ध्येयवेड्याची यशोगाथा !

जामखेड टाइम्स विशेष : Sunil Kadam IRS Success Story: “हातात आलेल्या यशावर पाणी सोडण्याचं धाडस प्रत्येकाकडे नसतं! प्रयत्न करणाऱ्याला यश मिळतं हे खरंय, पण मिळालेल्या यशाच्या शिखरावर असतानाही मोठ्या ध्येयासाठी पुन्हा शून्यातून विश्व निर्माण करण्याची जिद्द केवळ एखाद्या ध्येयवेड्याकडेच असू शकते आणि हाच ध्येयवेडा आहे आपल्या कर्जत-जामखेड (karjat jamkhed) मतदारसंघात! कर्जत तालुक्यातील बारडगाव (दगडी) येथील सुनील सुभाष कदम (Sunil Kadam IRS) या ध्येयवेड्याने आज संपूर्ण देशात आपल्या नावाचा डंका वाजवला आहे. काय आहे यामागची यशोगाथा, पाहूयात!” (Sunil Kadam IRS Success Story Marathi)

​सुनील कदम यांचा हा प्रवास कोणत्याही फिल्मी कथेपेक्षा कमी नाही. केंद्रीय लोकसेवा आयोगाच्या (UPSC) निकालात त्यांनी ७२७ वा रँक मिळवून Indian Revenue Service (IRS) मध्ये स्थान निश्चित केले आहे. मात्र, या यशाची खरी गोडी त्यांनी घेतलेल्या एका धाडसी निर्णयात दडलेली आहे.

​स्वप्नांसाठी सुरक्षिततेचा त्याग: एक धाडसी निर्णय

​सुनील यांनी यापूर्वीच UPSC परीक्षेत यश मिळवून Border Security Force (BSF) मध्ये Assistant Commandant (वर्ग-१ अधिकारी) म्हणून पदभार स्वीकारला होता. खांद्यावर ‘क्लास वन’ ऑफिसरचे स्टार्स होते, हातात सुरक्षित सरकारी नोकरी होती. पण डोळ्यांत स्वप्न होतं ते थेट नागरी सेवेत (Civil Services) जाऊन थेट जनसामान्यांसाठी काम करण्याचं! हातातली मोठी नोकरी सोडण्याचा निर्णय घेणे कोणत्याही मध्यमवर्गीय कुटुंबासाठी सोपे नसते, पण सुनील यांनी स्वतःच्या क्षमतेवर विश्वास ठेवला, पदाचा राजीनामा दिला आणि पुन्हा शून्यातून अभ्यासाला सुरुवात केली. हा ‘रिव्हर्स’ प्रवास त्यांच्या जिद्दीचे जिवंत उदाहरण आहे.

​बारडगावच्या मातीतील ‘गगनभरारी’

​सुनील कदम हे कर्जत तालुक्यातील बारडगाव (दगडी) येथील प्रगतशील शेतकरी दिवंगत सुभाष कदम यांचे सुपुत्र. ग्रामीण भागात, शेतात कष्ट उपसणाऱ्या वडिलांचे संस्कार आणि आईचे आशीर्वाद हीच त्यांची खरी पुंजी होती. ग्रामीण भागात शिक्षण पूर्ण करून त्यांनी देशातील सर्वात कठीण परीक्षा दोनदा क्रॅक केली.

मराठी माध्यमातून शिक्षण घेऊनही जिद्दीच्या जोरावर दिल्लीचे तख्त गाठता येते, हे त्यांनी सिद्ध केले आहे. पहिल्यांदा मिळालेली मोठी नोकरी केवळ मोठ्या ध्येयासाठी त्यागणे ही साधी गोष्ट नव्हती, पण त्यांचा स्वतःच्या कष्टावर अढळ विश्वास होता. राजीनामा देऊन पुन्हा अभ्यासाच्या टेबलावर बसणं आणि नव्या जोमाने यश मिळवणं, हा त्यांच्या व्यक्तिमत्वाचा सर्वात मोठा पैलू आहे.

​अर्धांगिनीची मोलाची साथ: संघर्षात लाभलेला आधार

​कोणत्याही यशस्वी पुरुषाच्या मागे एका खंबीर स्त्रीचा हात असतो, हे सुनील कदम यांच्या बाबतीत तंतोतंत लागू पडते. या संपूर्ण प्रवासात त्यांच्या पत्नी सौ. विनया कदम यांनी त्यांना मोलाची साथ दिली. विनया या स्वतः पुणे महानगरपालिकेत ‘सहायक विधी अधिकारी’ म्हणून कार्यरत आहेत. पतीचा नोकरी सोडण्याचा धाडसी निर्णय असो किंवा पुन्हा अभ्यासाचा ताण, विनया यांनी सुनील यांना खंबीर मानसिक आधार दिला. “एका क्लास-वन अधिकाऱ्याने दुसऱ्या अधिकाऱ्याच्या स्वप्नासाठी दिलेली ही साथ” आज संपूर्ण परिसरात कौतुकाचा विषय ठरत आहे.

🌟 सुनील कदम यांचा प्रेरणादायी संदेश

• 💡 कम्फर्ट झोन सोडा: हातात मोठी नोकरी असतानाही मोठ्या ध्येयासाठी ती सोडण्याची तयारी ठेवा.
• 💡 चिकाटी सोडू नका: अपयश आले किंवा अपेक्षित रँक मिळाली नाही, तरी पुन्हा प्रयत्न करण्याची जिद्द ठेवा.
• 💡 ग्रामीण असणे हा अडथळा नाही: कष्ट करण्याची तयारी असेल, तर ग्रामीण पार्श्वभूमी यशाच्या आड येत नाही.

धाडस आणि जिद्दीचा वस्तुपाठ

​हातातली सुरक्षित सरकारी नोकरी आणि खांद्यावरचे ‘क्लास वन’ ऑफिसरचे स्टार्स केवळ मोठ्या ध्येयासाठी त्यागण्याचे धाडस किती जणांकडे असते? पण हे धाडस दाखवलयं कर्जतच्या या सुपुत्राने! बी.एस.एफ. (BSF) मध्ये ‘असिस्टंट कमांडंट’ सारखं प्रतिष्ठेचं पद हाताशी असतानाही, त्यांनी दाखवलेलं हे धाडस आजच्या तरुणाईसाठी केवळ प्रेरणादायीच नाही, तर कठीण काळात ध्येयाशी कसं प्रामाणिक राहावं, याचा हा एक वस्तुपाठ आहे.

मिळालेलं यश टिकवणं सोपं असतं, पण अधिक मोठ्या स्वप्नासाठी ते यश झटकून पुन्हा शून्यापासून सुरुवात करणं हीच खरी मर्दुमकी सुनील कदम यांचा हा थक्क करणारा प्रवास ग्रामीण भागातील प्रत्येक स्वप्न पाहणाऱ्या डोळ्यांना नवी उमेद देणारा ठरेल, हे निश्चित!

​शब्दांकन: सत्तार शेख, जामखेड टाइम्स,